კლუბის მასალები ფეისბუქში

 

ოკუპაციის კვირეული

 იუნკერთა ნაკვალევზე. პარლამენტის ტური.

პროექტი E-twinning-ში

 იმოგზაურე დროშებთან ერთად

"დაამზადე საქართველოს დროშა"

 პროექტის შედეგები

ზაფხულის არდადეგები

ბავშვებო, ამ წელს  ჩვენმა კლუბმა  სეზონი დახურა.  იწყება  ხალისიანი საზაფხულო არდადეგები. მინდა გისურვოთ ბედნიერი დასვენება, ახალი ენერგიითა და იმედებით უკან დაბრუნება. თქვენ გელოდებათ თქვენი მე-12 სკოლა.  იმედია, მომავალ წელს კიდევ შევხვდებით ერთმანეთს და უფრო ნაყოფიერი და საინტერესო ცხოვრება გვექნება კლუბში.

ბედნიერი საზაფხულო არდადეგები!!!..

 და ახალი საინტერესო და სახალისო პროექტი

ბავშვებო, ჩვენი ქვეყანა საოცრად მშვენიერია. საქართველო სამოთხის ყვავილია. მინდა ეს მშვენიერება თქვენ თავად  შეიგრძნოთ და მეც   დამანახოთ თქვენი თვალით დანახული მშვენიერი საქართველო.  არდადეგებზე ბევრი თქვენგანი დაისვენებს საკუთარ სოფელში,  მეგობართან,  ზღვაზე თუ მთაში,   გექნებათ შესაძლებლობა გადაიღოთ ბუნების მშვენიერი ადგილები.  დააფიქსიროთ საინტერესო ადამიანები და ისტორიული ადგილები. ნუ დაიზარებთ! იაქტიურეთ!  ნათქვამია, "უქმად ყოფნას ცუდად შრომა ჯობიაო".  მაშ, მიიღეთ მონაწილეობა ახალ და სახალისო  სოციალურ პროექტში   "ჩემი წილი  საქართველო".   ატვირთეთ  თქვენი ფოტოები მოცემულ ლინკზე და მიიღეთ სიურპრიზები... 

ქართველი მოგზაურები (მოსწავლეთა კონფერენცია)

2019 წ. 5 ივნისს  ისტორიის კლუბის ინიციატივით ჩატარდა   მოსწავლეთა კონფერენცია  "ქართველი მოგზაურები".  კონფერენციაში მონაწილეობა მიიღეს უფროსკლასელებმა,  კერძოდ, მე-9, მე-10 და მე-11 კლასელებმა.  მათ მოიძიეს ინფორმაციები ნაცნობ და უცნობ 9 ქართველ მოგზაურზე.  მოცემული ინფორმაციების მიხედვით  და ელექტრონულ პროგრამა TRIPLINE.NET - დააზუსტეს მარშრუები რუკაზე.  ასევე შეადარეს მარკო პოლოსა და ჩახრუხაძის მარშრუტებები.  მოსწავლეებმა გაიაზრეს, რომ ქართველ მოგზაურებს არანაკლები ღვაწლი მიუძღვით მსოფლიოს კვლევასა და შესწავლაში, ვიდრე სხვა დიდ და პატარა მოგზაურებს.  შესაძლოა უფრო მეტადაც აღემატებოდა ზოგიერთი ქართველის ღვაწლი ამ მხრივ, თუმცა მიზეზთა გამო სხვათა და სხვათა  მსოფლიოსთვის ნაკლებად ცნობილნი ან საერთოდ უცნობნი არიან.

ქართველ მოგზაურთა მარშრუტები

    10 მიზეზი,  თუ „რატომ უნდა იმოგზაუროს ადამიანმა?“

1. მოგზაურობა საუკეთესო „წამალია“ ჯანმრთელობისთვის

2. მოგზაურობა საუკეთესო გზაა ცხოვრებისეული გამოცდილებებისთვის

3. მოგზაურობისას  ხდები უფრო ტოლერანტული და მეგობრული

4. მოგზაურობა ქმნის ურთიერთობებს და მეგობრებს

5. მოგზაურობა ხელს გიწყობს საკუთარი თავის აღმოჩენაში

6. მოგზაურობა საუკეთესო მთხრობელია

7. მოგზაურობა ხელს უწყობს სიახლის მიღებას და გააზრებას

8. მოგზაურობა  გეხმარება შეიცნო  და დააფასო „საკუთარი სიმდიდრე“

9. მოგზაურობა გეხმარება განათლებაში

10. მოგზაურობისას  ხვდები, რომ ახლა, შენი დროა!...

 

 

 

ეროვნული გმირები - მერაბ კოსტავა

24 მაისს  ისტორიის კლუბ "დავითისანის"  აქტივობა მიეძღვნა ეროვნულ გმირებს.  სკოლაში  ჩატარდა გამოკითხვა 7-11 კლასებში. მოსწავლეებმა უპასუხეს კითხვებს:

1. რა იციან ეროვნული გმირების შესახებ? 
2. რა თვისებები უნდა ახასიათებდეს ადამიანს, რომ ეროვნულ გმირად იქცეს ბოლოს? 
3. რამდენი ეროვნული გმირი ჰყავს საქართველოს? 
4. თუ იციან რომელიმე მათგანის შესახებ თუნდაც მცირე ინფორმაცია? 

პასუხები ძალიან საინტერესო იყო. ერთ რამეში მოსწავლეები თანხმდებოდნენ, რომ ეროვნული გმირები ძლიერები, უშიშრები,  ქვეყნისა და ხალხისათვის თავდადებული ადამიანები არიან.

კლასებში ჩატარდა საუბრები ეროვნულ გმირებზე. მოსწავლეები ასევე გაეცნენ საქართველოს სახელმწიფო ჯილდოებს და გაარკვიეს, თუ რა შემთხვევაში და ვინ შეიძლება გახდეს საქართველოს სახელმწიფოს ეროვნული გმირი. დაათვალიერეს თითოეული ეროვნული გმირის ფოტოები და მოისმინეს მოკლე ინფორმაციები მათ შესახებ.  ასევე დაათვალიერეს სახელმწიფო ჯილდოების ვიზუალი.

გამოყენებული მასალები:
საქართველოს ეროვნული გმირები
საქართველოს სახელმწიფო ჯილდოები

მოგვიანებით,  ჩვენი კლუბისა  და ქ. რუსთავის საბავშვო ბიბლიოთეკა "ნაკადულის" ერთობლივი აქტივობით ჩატარდა 26 მაისს ეროვნული გმირის მერაბ კოსტავას 80 წლის იუბილისადმი მიძღვნილი საღამო. კლუბის წევრებმა ნახეს ფილმი მერაბ კოსტავას ცხოვრებისა და მოღვაწეობის შესახებ. ამ თემაზე ისაუბრა ბიბლიოთეკის დირექტორმა ქალბატონმა ნაზი ჩქარეულმა. საღამოს დასასრულს  მოსწავლეებს დაუსვა შეკითხვები, რომლებსაც ბავშვებმა წარმატებით გაართვეს თავი.  ეს დღე ერთ-ერთი ღირსშესანიშნავი და დასამახსოვრებელი დღე იყო მოსწავლეთა ცხოვრებაში.

 

"ცა იყო უღმერთოდ მოღრუბლული..."

ისტორიის კლუბის მორიგი აქტივობა  თბილისში 1989 წლის 9 აპრლის ტრაგედიას მიეძღვნა. 8 აპრილს ჩატარდა მუსიკალურ-ლიტერატურული კომპოზიცია "ცა იყო უღმერთოდ მოღრუბლული...".  მოსწავლეებმა წარმოადგინეს აპრილის დღეების ქრონიკა, წაიკითხეს ლექსები, კიდევ ერთხელ გაიხსენეს 9 აპრილს დაღუპულთა სულები, თითოეულ მათგანს სანთელი დაუნთეს სულის საოხად.  კლუბის წევრებმა ისაუბრეს  იმ სულისშემძვრელი ტრაგედიის მიზეზებსა და შედეგებზე.  საღამოს ბოლოს მათ მაყურებელთან და უფროს მასწავლებლებთან ერთად შთაბეჭდილების ფურცელზე გადმოსცეს თავიანთი აზრები და გრძნობები საუკუნის  დანაშაულის მიმართ.

 

ქალთა დღეები საქართველოში - 3 და 8 მარტი.

 "ია-ია დაგიკრიფე
ლურჯთვალა და კოპწია
8 მარტი და გაზაფხული
ერთად მომილოცნია.."



ეს სხდომა, რომელიც 6 მარტს ჩატარდა,  გაზაფხულის ზეიმებს - ქალთა დღეებს 3 და 8 მარტს მიეძღვნა.
მოსწავლეებმა მოისმინეს 8 მარტის დაარსების ისტორია.  დაათვალიერეს დაათვალიერეს ფოტოები, რომელსაც "დედაშვილობა" ვუწოდეთ.  ასევე, მოისმინეს დედისადმი მიძღვნილი ცნობილი ადამიანების წერილები, მოისმინეს თბილი და ტკბილი სიტყვებით გადმოცემული სენტიმენტალური გრძნობები დედებზე და პატარა  თავინთი შთაბეჭდილებების პანაწერებიც დაგვიტოვეს.

მასალა, რომელსაც გაეცნენ კლუბის წევრები

8 მარტი ქალთა უფლებების საერთაშორისო დღე from nino abuladze

"დედაშვილობა" - ასე უწოდეს ამ ნახატებს კლუბის წევრებმა.

 

 



მოსწავლეთა ჩანაწერები:

 

ტრადიციად ქცეული პროექტი.

ქართული სახელმწიფო დროშის დღე -   პროექტი:  ”დაამზადე საქართველოს დროშა“ 

 ეს აქტივობა მივუძღვენით საქართველოს სახელმწიფო დროშის დღეს 14 იანვარს.  იგი ტრადიციულად ტარდება უკვე მეორე წელია და  როგორც წესი, პროექტში ებმება მთელი სკოლა - მოსწავლეებიან-მასწავლებლებიან-მშობლებიანად.
ჩატრდა საუბრები სახელმწიფო დროშასა და მის მნიშვნელობაზე.
დამზადდა სხვადასხვა საყოფაცხოვრებო ნივთები სახელმწიფო დროშის გამოსახულებით.
გავრცელდა ინფორმაციები, რომ ქართული დროშა არის ერთ-ერთი უძველესი დროშა მსოფლიოში, რომ ის თავისი სიძველით მეორე ადგილზე დგას ასაკით.
23 იანვარს გაიხსნა სასკოლო გამოფენა.
მოეწყო დროშის ხატვის გაკვეთილები დაწყებით საფეხურზე.
მოეწყო ინტერნეტპროექტი საქართველოს მასშტაბით სოციალურ ქსელ ფეისბუქში, რომელმაც როგორც გასულ წელს, ამჯერადაც დიდი ინტერესი გამოიწვია.

გასული წლის პროექტში საქართველოს 15-მა სკოლამ მიიღო მონაწილეობა. მასალები იხილეთ აქ:
დაამზადე საქართველოს დროშა
ჩვენი ალბომი იხილეთ აქ: 

ახალი პროექტის მასალები იხილეთ აქ:
დაამზადე საქართველოს დროშა - 2019 წ.

ჩვენი ალბომი ახალ პროექტში

ახალი წელი საქართველოში

2018 წლის 26 დეკემბერს  ჩატარდა ისტორიის კლუბის კიდევ ერთი სხდომა საინტერესო თემაზე: "ახალი წელი საქართველოსა და მსოფლიოში". სხდომაზე წარმოდგენილი იქნა საინტერესო პრეზენტაცია. აგრეთვე მოსწავლეებმა ისაუბრეს მიიღეს ინფორმაცია მსოფლიოს სხვადასხვა ქვეყნებში საახალწლო ტრადიციების შესახებ...

"ახალი წელი საქართველოსა და მსოფლიოში"

პროექტი: საქართველოს დედაქალაქები

28 ნოემბერს ისტორიის კლუბმა  "დავითისანი" - მოახდინა ახალი პროექტის "საქართველოს დედაქალაქების" პრეზენტაცია.  განსაკუთრებით აქტიურობდნენ მე-9 კლასელი მოსწავლეები. იყო წარმოდგენილი სამი პრეზენტაცია - თბილისის, ქუთაისის და მცხეთის შესახებ.   აქტიურობდნენ მარიამ ფუტკარაძე, სამირა ისაევა და სარა გულიევა. თითოეული პრეზენტაციის გარშემო წარიმართა საინტერესო საუბრები. სხდომის ბოლოს მოსწავლეებმა ინტერესით დაათვალიერეს თბილისის ხედების ფოტოგალერეა. ეს იყო ინტერნეტში გავრცელებული მასალა, რომელიც საინტერესო და მიმზიდველია ისტორიული, მხატვრული, ტურისტული და სხვა მრავალი  თვალსაზრისითაც.

წარმოდგენილი პრეზენტაციები:
თბილისის ისტორია

საქართველოს დედაქალაქები


თბილისის ალბომი

პროექტი: ”ვაზო, შენს გამო არ ვართ მოცლილი...“

პროექტის ფარგლებში სკოლაში ოქტომბერ-ნოემბრის გზაგასაყარზე, კერძოდ,  31 ოქტომბერს გაიხსნა  ფოტოგამოფენა, რომელშიც მოსწავლეებმა წარმოადგინეს საკუთარი თვალით დანახული ვაზი და საქართველო.. ფოტოგამფენის მოწყობამდე მათ გაიხსენეს გასულ წელს რუსთავის მხარეთმცოდნეობის მუზეუმში მოწყობილი ექსკურსია, სადაც მოისმინეს ლექცია თემაზე: "მევენახეობა და მეღვინეობა რუსთავსა და ქვემო ქართლში"
დამზადდა ულამაზესი მოსაწვევები, სიგელები, რომლითაც დაჯილდოვდნენ გამოფენის მონაწილეები.

ექსკურსიის მნიშვნელოვანი მომენტების პრეზენტაცია კლუბის სხდომაზე.

გამოფენა-სტენდი: "ვაზო, ქართველი კაცის დიდებავ!.."

ამ წლის პირველი სხდომა

2018 წლის 10/X ჩატარდა "დავითისანის" პირველი სხდომა. სხდომაზე განხილული იქნა საკითხები: 
1. კლუბის მუშაობის გასული სასწავლო წლის მნიშვნელოვანი მომენტების გახსენება
2. კლუბის ახალი არჩევნების ჩატარება
3. კლუბის სამუშაო გეგმის წარდგენა
4. “ვაზის ფესტივალი“ (გასული წლის პროექტის გაგრძელება) - ფოტოკონკურსის შესახებ

კლუბის ხელმძღვანელად არჩეულ იქნა მე-9 ა კლასის მოსწავლე ვალერი ბიბილეიშვილი. სხდომაზე განიხილეს და დაამტკიცეს წლიური სამუშაო გეგმა. 
კლუბის პირველ სხდომაზევე გაიხსენეს გასული წლის ვაზის ფესტივალი და გადაწყვიტეს მისი განსხვავებული ფორმით გაგრძელება. 

პირველი შეხვედრა

კლუბი ”დავითისანის”  პირველი შეხვედრა. 

2017/2018 სასწავლო წლის 27 სექტემბერს  გაიმართა

განსახილველი საკითხები:

1. კლუბის საორგანიზაციო საკითხების მოგვარება
2. წლის სამუშაო გეგმის განხილვა
3. 26 სექტემბერი - ენების ევროპული დღე. (ინფორმირება)
4. 27 სექტემბერი - სოხუმის დაცემის დღე. (საუბარი)
5. E-twinning-ის პლატფორმის გაცნობა და პროექტის - ”ჩემი ქვეყნის უძველესი ხელნაწერები” -  პრეზენტაცია და მასში ჩართვა.  (აქტივობების დაგეგმვა.)

”რა? სად? როდის?”

2017 წლის 2 ივნისს გაიმართა საქართველოს იუსტიციის სამინისტროს სსიპ - საქართველოს სახელმწიფო ეროვნული არქივის ინტელექტუალური თამაში (სპორტული ვერსია) - ”რა? სად? როდის?”, რომელშიც საქართველოს სხვადასხვა რაიონებიდან და კუთხეებიდან ჩამოსული 63 სკოლა მონაწილეობდა. მათ შორის ჩვენი კლუბი ”დავითისანი” იყო.
ჩვენმა გუნდმა 63-დან რეიტინგული ქულით 29 ადგილი დაიკავა. ეს არც თუ სახარბიელო ადგილია, მაგრამ მთავარი ხომ მონაწილეობაა....

ეროვნული სამოსის დღე.

ეროვნული სამოსის დღე, 18 მაისი ისტორიის  კლუბმა  ”დავითისანი” - აღნიშნა  ფილმების ჩვენებით. ფილმები შეეხო  ტრადიციული სამოსის კერვას, ხალხურ რეწვას და მასთან დაკავშირებულ პრობლემებსა და სიახლეებს.  ფილმების ჩვენება გაიმართა კლუბის ყველაზე პატარა წევრებისათვის მე-7/მე-8 კლასელი მოსწავლეებისათვის.  მათ მნიშვნელოვანი ინფორმაცია მიიღეს სამოსის ტიპების,  მისი შექმნის წესების და ტრადიციული გაფორმების შესახებ.  კლუბის ზოგიერთმა წევრმა თანამედროვე ეროვნული სამოსის ხილვისას (მაგ: ნ. გელაშვილი, ი ჯამაგიძე)  აღნიშნა, რომ  სიამოვნებით ჩაიცვამენ  ყოველდღიურ ცხოვრებაში ზოგიერთ დეტალს, იმდენად ლამაზია და მოსწონთ.

გამოფენაზე....

საქართველოს პირველი რესპუბლიკა - ამ თემას შეეხო საქართველოს სახელმწიფო არქივის მოძრავი გამოფენა, რომელიც გაიმართა 2017 წლის 24-31 მარტს  რუსთავის სახელმწიფო ეთნოგრაფიულ მუზეუმში.
პროგრამა განკუთვნილი იყო მე-9/მე-11 კლასების მოსწავლეთათვის.
აქვე, გამოფენის დათვალიერების შემდეგ გაიმართა ინტელექტუალური თამაში ”ჯეოპარდის” ფორმატში, რომელმაც საკმაოდ გაამხიარულა მოსწავლეები.

დამატებითი ფოტო მასალა იხილეთ აქ:
საქართველოს დემოკრატიული რესპუბლიკა

დავითისანი ”ეტალონში”

კლუბ ”დავითისანის” ინიციატივით,  წელს ჩვენმა სკოლამ მონაწილეობა მიიღო სოციალურ-საგანმანათლებლო პროექტ -  ”ეტალონის” სასკოლო და რეგიონულ ჩემპიონატებში. სასკოლო ჩემპიონატში მონაწილეობდა მე-8/მე-11 კლასების 60-მდე მოსწავლე.  მიუხედავად იმისა, რომ ბევრმა მოსწავლემ მიიღო გადასასვლელად საკმარისი რაოდენობის ქულები, კონკურენცია იმდენად  მაღალი დონისა იყო, რომ რეგიონულ ჩემპიონატში გადავიდა მხოლოდ ერთი მოსწავლე - მე-8 კლასელი გიორგი გიგილაშვილი.
პროექტი  ჩატარდა კარგად  ორგანიზებულად. იგი  მიმდინარეობდა განათლებისა და მეცნიერების სამინისტროს და ხელისუფლების ადგილობრივი ორგანოების მხარდაჭერით.
სურვილი გვაქვს, კიდევ გავაგრძელოთ ამ და სხვა მსგავს ჩემპიონატებში მონაწილეობა.

დაწვრილებითი ინფორმაცია იხილეთ აქ.
ინფორმაცია

პირველი ქართული ნაბეჭდი წიგნი